ظاهره محتاجه لحل ،، شاركونا

ياسلاااااام عليكـــ إحساس عازفـــ...

بصراحه جبتها ع الجرح..
من جد من جد موضوع بيعئــــــــــــــــد..

تعال أول شيء نتكلم عن تعدد الزوجاتــــ.. بصراحه .. أنا ضده وأعارضه معارضة أشد من شديدة.. وأبدآ ماارضى عنه لو ايش ماصار..
اول شيء البنتـــ لما تتزوج تكون خلاص سلمتـــ نفسها وروحها وقلبها لإنسان واحد اللي هو زوجها ويمكن حتى ماتكون تعرفة من قبل , ولا تدري عنه شيء ..والشغلة خطبتــ أهل ومن هالكلام..

بس في الأول وفي الأخير صار زوجها وزي ماقلتــ سلمته الخيط والمخيطــ حتى أغلى شيء عندها سلمته اياه.. وياليتـــ بس كذا ,, إلا تكون فراحانة فية ومو شايفة غيرة بالدنيا, إذا غلط سامحته وإذا مرض بكتـ وأنهارت وتلقى مرضه يامزكم يادخله برد روح أمه..

ولو كانتــ ظروفة صعبة ومادياتة قليلة وهي جات من بيت ابوها مو ناقصها شيء , تلقاها ماتطلبة شيء وتساهم معاه في كل صغيرة وكبيرة, وتحرم نفسها من أشياء بسيطة اي بنتــ مفروض تمتلكها , ولما تجي لسبب إنها ماتطلبة, تلقى إنها ماركة واقل شيء فيها بيكلف 65 , ومن ضمن الأشياء اللي بتكون عند اي بنت هي المكياج , والمكياج اذا كان ماركة فسعرة راح يكون ضربة, فهي في هذي الحالة تخلت عن شيء مهم ولازم يكون موجود عندها علشان تتزين له,, فتلقاها توصي أختها أو أمها علشان توفر لها مطالبها ,,{وبصراحه اللي تسوي كذا أعتبرها وحدة ميثالية لأنها ماتحب تحسس زوجها بالنقص اللي هي فيه} وأنا ماأقول شيء بهالخصوص بالعكس أنا لو مكانها راح أسوي نفس الشيء..

بس المشكلة مو هينا..

المشكلة تلقاها فيه هوه , مايعجبة العجب ولا الصيام في رجبــ , فتلاقيه مضطهدها ولاعن خيرها في البيت , لدرجة ان حتى اولادها , خلاهم يتمادون عليها , هذا وهي أمهم أجل كيف اذا أختهم..

وتلقاه مايتذكرها إلا لمى يبغى منها شيء.......... أتوقع عرفتـــ مايحتاج أقول

وينسى ان هذي اللي أخذها من بيت ابوها معززه مكرمة أهانها حضرة جنابه , ومسح بكرامتها الأرض,, وأكيد الأيام بتمر وتصير سنين وهي عاشتها معاه..


وفي النهاية ,, يجي وبكل بساطة يرمي كل شيء هي سوته في أقرب مكان للنفايات ويروح ويتزوج بوحده صغيرة ويمكن تجي في سن وحده من بناته,,

طبعآ في هذي الحاله ,, لا والله ماله حق أبدآ أبدآ .. يعني الحين هي ماقصرت علية بشيء , وشالته على كفوف الراحة , وساعدته وساهمت معاه بكل شيء. حتى طلباتها واحتياجاتها تخلت عنها علشان ماتحطه في موقف محرج..

أثارية يجمع علشان يجدد شبابة شيبة عرعر الله يحرقه انشاء الله..

طبعآ هذا بالنسبة للرجال اللي نقدر نقول عليهم .. ناكرين جميل ومايملاء عينه الا الترابـــ


الحين نجي للبناتـــ

اول ماتتزوج ياسلاااااام تلقاها قمة الإهتمام بنظافتها وبشكلها وبريحتها ومايشوفها زوجها إلا وكأنها ملكة تتمشى في بيته..

وأصبر عليها شوي .. وتلقى العكس تمامآ , لانظيفة في بيتها ولا في نفسها ولا في شكلها ولا في ريحتها حتى ابسط شيء فيها ماتلقاها نظيفة فيه..


ولمى يجي زوجها من دوامه يلقاها نايمة والبيت زي ماراح زي ماجاء, او تلقاها بحالة كأنها طايحة من سابع سماء, شعرها منكش ولابسه قميص مدري من فين جابته , وبيتها مو نظيف وريحتها طبخ , ولما يجي يشوف اولاده يلقاهم أخس من حالة أمهم..

والمصيبة الكبرى لما مايكون مقصر معاها بشيء , يعني ملابسها من الماركات ومن أغلى مايكون,
مكياجها مالي التسريحة وكله من الغالي , وعطورها اول ماتشوفها تحس كأنكــ داخل مركز للعطور..

وكل شيء عندها بالبيت متوفر ..

ولما يدوم الحال كذا لسنين , أكيد زوجها بيمل منها وخصوصآ لو كان كلمها بالموضوع من قبل,

في هذي الحالة يحق له يتزوج وحده غيرها , لأنها هي قصرت معاه,,

وحتى في هذي الحالة أنا ماني مع الزوااااج المتعدد...


____


نجي الحين للي تتزوج واحد قد جدها,,

خيـــــــــــــــر ياحبيبتي وش اللي يجبركــ علية إذا مره ماتبغين تمرمطين أهلك وحقوق إنسان من هالكلام

لمي ملابسكــ ولا بلاش تلمينها .. خليها لأهلكــ علشان ينبسطون فيها ,,
افتحي باب البيت وروحي لأي مكان يحميكــ,, وياليت لو معاكــ جواز سفر ومعاكــ حساب بالبنكــ

وقتها أقرب طيارة على ابعد بلاد وخليهم هما وعريس الغفلة ينبسطون فية..

أما إذا ماعندك جواز سفر ولا حسابــ, وقفي قدام أهلكــ وقدام جدك اللي بيتزوجكــ وقولي أنا ما أبغاكــ , اما إذا أهلك طلعوا مايبغونكــ ويبغون الفكة منكــ ,, ساعتها قولي خلاص أنا بأتوظف وأصرفــ على نفسي وراح أعطيكم إيجار الغرفة اللي أنام فيها وراح أجيب لي ثلاجة ومطبخ وأحطهم بغرفتي علشان تفتكون من مصاريفي , وإذا قالو أنهم مايبغونكــ في بيتهم ,, قولي طيب تبرأو مني وراح اروح وأوعدكم ماراح تشوفوني.. بس هاه لازم لما تقولين هالكلام تكونين قده .. يعني مو تروحين تنحرفين وتعيشين مدري كيف,,

لازم تحافظين على نفسكــ وتعرفين إن محد بالدنيا هذي لها أمان..
وروحي وتذكري أن من حفظ الله حفظه

وأشتغلي وعيشي حياتكــ لحد ماربي يفرجها في وجهكــ

ويمكن وقتها ربي يعوضكــ بزوج يبدل لكــ الحياة وينسيكــ اللي ذقتيه من اهلكــ ومن الحياة



...إحاس عازفـــ...
أتمنى تتقبل رأيي بكل سعة صدر

وتقبل مروري

يعطيك العافية

والله سالفة زي كذا ما راح توقف على راي او رايين ولا تنحصر الاراء حول هذا الموضوع فتعليقا على رد اخوي احساس على دلع يوم يقول اغلب البنات يرفضون الزواج من شان حبيب مو كل البنات يرفضون من شان حبيب واعرف ان اخوي احساس ما يقصد الكل لكن احب اوضح
هذا شي والشي الثاني احيانا وللاسف يمنع البنت من الرفض اشياء كثيرة منها كونها بليت باخوان يعذبونها ليل الله مع نهاره او انها بليت بابو يعبد الريال فتمر البنت بفترة تقول اتزوج شايب ارحم لي من القعدة في بيت ما القى فيه اقل احتياجاتي ولا اريد احد يقولي ما فيه والله فيه ناس يبخلون على عيالهم حتى بابتسامة فالبنت في هذه الحالة كالمستجير بالنار من الرمضاء تبي تطلع من بيت الشح والقسوة وتطب في بيت لا رافة ولا رحمة ولا شي يسمي بالحياة الزوجية وبعض البنات بصراحة يعني تاخذ لها شايب هي راضية تبي بس فلوسه هذي ما ودي اعلق على الموضوع وبعضهم والله ما تحصل فرق بين شايب وشاب اهم شي الي يسترها ويعيشها عيشة محترمة ووالله ثم والله ان فيه كبار سن انهم يقدرون الحياة الزوجية اكثر من الشباب اليوم هذا ولا حد يقدر يعترض حرمته الجديدة بقليل ولا بكثير حاطها نصب عيونه فليش نمنع ان مثل هذا يتزوج ونعيب على البنت ان تاخذ رجال زي هذا يحميها ولو عاشت البنت مع غيره ما بتحصل نصف الرومنسية ونصف الحب ونصف الاهتمام والدلال الي يقدمه لها
اشكرك اخوي احساس على الموضوع المهم واشكر دلع على المشاركة واشكر كل من راح يشاركنا برايه في هالموضوع
عطني بعض ما اعطيك منتدى احساس عازف الرياض

قصة حاصلة على جيراننا بنتهم الكبيرة تعمل ممرضة في المستوصف الي بالحي يوم خمسة وعشرين من الشهر تسمع انواع الصياح بالبيت عندهم واحيانا امهم تجي عندنا وتشتكي من عيالها يضربون اختهم هذي وياخذون راتبها بالقوة فيما اني اعتقد ما فيهم احد حق مخدرات او بلاوي بس حب تسلط وتحكم تناقش الوالد مع اخوانها في الموضوع قالوا لو ما نت عزيز وغالي ردينا عليك وهذي اختنا واحنا ادرى بمصلحتها ووالله ما همهم لو تحترق اهم شي ياخذون كم الف بالقوة ولا لو هم خايفين عليها بصحيح كان تعاملوا معها بغير ها لطريقة ففيه اخوان ما يرون البنت الا كالبهيمة وهذولا الي خلو الكلاب يبلبلون بحقوق المراة الخداعة


عطني بعض ما اعطيك